Refluksi gastroesofageal në shtatzani

img-18
Refluksi gastroesofageal në shtatzani

Cilat janë shkaqet e refluksit gastroesofageal gjatë shtatzanisë?

 Gjatë shtatzënisë, siç dihet, organet e brendshme i nënshtrohen presionit të mitrës (uterusit) e cila rritet dhe zgjerohet ne permasa. Fëmija bëhet gjithnjë e më i madh dhe është në gjendje të lëvizë dhe të shtyjë drejt mureve të mitrës. Në veçanti, refluksi gastroezofageal mund të ndodhë në tremujorin e fundit.

Urthi shfaqet kryesisht pas ngrënies, ose kur shtriheni pas ngrënies. Djegia, e cila mund të jetë e lehtë dhe e vazhdueshme, mund të shoqërohet gjithashtu me refluks aciditeti. Në këtë rast, ushqimi  në stomak rikthehet duke u ngjitur lart në ezofag deri në gojë. Ndjesia e hidhësisë dhe aciditetit në gojë është shumë e bezdisshme dhe në disa raste mund të çojë në të vjella.

 Cilat janë simptomat e refluksit gastroezofageal në shtatzëni?

Refluksi gastroezofageal në shtatzëni shfaqet me simptomat e mëposhtme:

● dhimbje stomaku

● ndjesi djegieje

● regurgitim acid

● vështirësi në gëlltitje

● dhimbje barku

Episodet e refluksit gastroezofageal mund të zbuten duke shmangur mbajtjen e stomakut të ngjeshur gjatë tretjes. Edhe pozicioni në shpinë nuk rekomandohet në rast refluksi, pasi do të lehtësonte ngjitjen e lëngjeve nëpër ezofag.

Rregullimi i dietës ushqimore në këtë rast është thelbësore.

Përveç shmangies së ushqimeve që mund të theksojnë çrregullimin, duhet të shmagni edhe perdorimin nga alkooli dhe pirja e duhanit, të cilat mund të përkeqësojnë ndjesinë e djegies. Konsumimi i vakteve të vogla dhe të shpeshta dhe pirja e sasie te mjaftueshme te ujit gjate dites jane hapat bazike ne parandalimin e çrregullimit të refluksit gastroezofageal.

 Cilat janë produktet qe perdoren  për parandalimin e refluksit gastroezofageal në shtatzëni?

Gjatë shtatzënisë, produktet që përdoren në trajtimin e refluksit gastroezofageal mund të jenë natyrale dhe farmakologjike.

Ndër produktet natyrale gjejmë xhenxhefil, aloe, kamomil dhe jamball, të cilat gjenden në treg edhe në formen e çajrave bimorë të gatshëm për përdorim.

Megjithatë, ekzistojne edhe produkte farmaceutike antacide/antirefluks ne forme tabletash ose shurupesh si me poshte:

Maalox  → është një bar i bazuar në alginat natriumi, bikarbonat natriumi, karbonat natriumi dhe karbonat kalciumi. Formulimi i tij kryen 3 veprime sinergjike të cilat konsistojnë në bllokimin e shpejtë të refluksit acid, reduktimin e ndjesisë së djegies dhe mbrojtjen e mukozës së ezofagut.

Gaviscon   → është një bar i bazuar në alginat natriumi dhe bikarbonat kaliumi. Në treg është i pranishëm në formulime të ndryshme, që nga shurupi deri tek tabletat. Veprimi i tij është të krijojë një film mbrojtës për të kufizuar shqetësimin që vjen nga djegia dhe regurgitimi i acidit.

Në çdo rast, do të jetë gjinekologu ose mjeku mjek që do të rekomandojë barnat e duhura në bazë të nevojave të pacientit, në mënyrë që të lejojë një vazhdim të qetë të shtatzënisë.